EARTH HOUR 2016

Earth Hour 2016

Green Baku ekoloji gənclər birliyinin təşkilatçılığı və Ümumdünya Təbiəti Mühafizə Fondunun (WWF) Azərbaycan nümayəndəliyi dəstəyi ilə 19 mart 2016-cı il tarixində "Yer Saatı-2016" ekoloji kampaniyası keçirilmişdir. Bu il kampaniyaya Bakı şəhəri ilə yanaşı Gəncə, Lənkəran və Quba şəhərləri də qoşulublar.

Green Baku tərəfindən təşkil olunan aksiya çərçivəsində Bakı şəhəri üzrə Bakı şəhər İcra Hakimiyyəti, Hökümət Evi, Qız qalası, Şirvanşahlar sarayı, Azərbaycan Milli Elmlər Akademiyası (AMEA), Azercell, ASAN Xidmət, Hilton, İnturist və Bakı Bulvar hotellərinin binaları bir saatlıq elektrik enerjisinə qənaət edərək iqlim dəyişikliyi mücadiləsinə qoşulublar.

Bununla yanaşı ilk dəfə olaraq şəhərimizin bir sıra restoranları "Yer Saatı - 2016" aksiyasına cəlb olunub. Onlar nəinki tədbirə qoşularaq məkanlarında enerjiyə qənaət edib, həmçinin, xüsusi sağlam qida məhsulları və akustik musiqi proqramı ilə qeyd edilblər.

Tədbir iştirakçıları 19 mart 2016-cı il tarixində saat 20:30-21:30-da AMEA binasının qarşısında kampaniyanın rəmzi olan "60+" yazısını şamlarla işıqlandırmışdılar. Eyni zmanada öncədən elan olunmuş "Ən kreativ şam" müsabiqəsinin qalibləri sertifikat və dəyərli hədiyyələrlə mükafatlandırılıb

 

Bu ilki tədbirə Let's do it Azerbaijan, "BİR" könüllü proqramı və Azərbaycan Skautlar birliyinin könüllüləri də qoşulublar.

Qeyd edək ki, "Yer saatı" kampaniyası ilk dəfə Ümumdünya Təbiəti Mühafizə Fondu (WWF) tərəfindən 2007-ci ildə Avstraliyada başladılmışdır. Kampaniyanın məqsədi: "Yer saatı" aksiyaları zamanı böyük şəhərlərdəki məhşur binaların fasad işıqları 1 saatlıq söndürülür və bu rəmzi hərəkətlə insanları enerjiyə qənaət edilməsinə təşviq edirlər.

Məlum olduğu kimi, elektrik enerjisinin alınması nəticəsində atmosferə buraxılan istixana qazları iqlim dəyişikliyinin başlıca səbəblərindən hesab olunur. Bununla əlaqədar, "Yer saatı" aksiyaları zamanı enerjidən davamlı istifadə xüsusi vurğulanır.

Bəşəriyyət tarixində ən kütləvi ekoloji ictimai aksiya olan "Yer Saatı-2016" tədbirinə 178 ölkədən 7000-dən çox şəhər qoşulmuşdur. Bu il martın 19-na təsadüf edən tədbirdə dünyanın 350-dən çox məhşur binası fasad və həyat üçün zəruri olmayan işıqları bir saat müddətində söndürməklə kampaniyaya dəstək verilib.

 

© Copyright 2015-2016 . Create by Code Abra. All Rights Reserved.

EARTH HOUR 2016
EARTH HOUR 2016
EARTH HOUR 2016